رد ناري من شوبير على اتهامات خدمة المنظومة للأهلي

رد الإعلامي أحمد شوبير على اتهامات خدمة المنظومة الرياضية في مصر للنادي الأهلي فقط على حساب باقي الأندية.
وقال أحمد شوبير، في تصريحات إذاعية عبر برنامجه «مع شوبير»: «الدوري في مصر إتلعب 64 مرة، والأهلي كسبوا 43 مرة، وبطولة كأس مصر إتلعبت 91 مرة، والمارد الأحمر كسب 39 مرة، وده جزء كبير منهم كان رئيس اتحاد الكرة المصري، هو رئيس نادي الزمالك».اضافة اعلان

وأضاف شوبير: «السوبر المصري إتلعب 21 مرة، الأهلي خده 14 مرة، دوري أبطال أفريقيا 12 مرة، الكونفدرالية مرة وحيدة، وبالحقب التاريخية الأهلي متفوق».

وأردف: «قولي بقى في المنظومة اللي بتخدم على النادي الأهلي، المشكلة إن في حاجات الناس بتحب توصلها بطريقة غير صحيحة، ودول ولاد صغيرين لسه كتاكيت صغيرين وعايزين يخربشوا، ويبقى ليهم شأن في الإدارة».

وأشار شوبير إلى أن ما يحدث ليس صحيحا، الشيء الصحيح هو إنك تبص قدامك وتشتغل بشكل صحيح، وأبني فريق وأشتغل في استقرار وتركز مع نفسك، بص قدامك وشوف دنيتك ماشية إزاي، بس للأسف أنت حافظ.

وأتم شوبير: «الأهلي آه جامد ببطولاته وبتاريخه، أنت لازم تشتغل على نفسك مش أنا اللي هاخدك تحت باطي مينفعشي، عمرنا مشوفنا كده».