عبدالحفيظ يسخر من إبراهيم نور الدين

علق سيد عبدالحفيظ مدير الكرة السابق للنادي للأهلي، على تصريح إبراهيم نور الدين الحكم الدولي السابق، بإن التحكيم المصري أفضل من الإسباني.
اضافة اعلان
وقال سيد عبدالحفيظ في تصريحات عبر قناة «إم بي سي مصر»: «كابتن إبراهيم نور الدين قال إن في تقرير وصل للجنة الحكام بإن الأخطاء في الدوري المصري 3%، والأخطاء في الدوري الإسباني 16 %، والدوري الروسي 46% يعني نص ونص».

وأضاف: «مشكلتنا إن احنا في التحكيم مش بنروح للمشلكة ولكن بنبقى حواليها.. ده كابتن إبراهيم نور الدين عنده 9% أخطاء لوحده».

وتابع: «لازم نروح للمشكلة نفسها ونحاول نحلها سواء كانت للأهلي أو الزمالك، ولكن عندما تذهب إلى رئيس لجنة الحكام يقولك إنا لازم أحمي الحكم بتاعي والحكم كان كويس، اه احميه بس في الخفاء ومتعملش ببلبة عندي».

وواصل: «في تصريح عجيب لكابتن عصام عبدالفتاح، وهو إن كنا بنتكلم على 3 ضربات جزاء في مباراة للأهلي وطلائع الجيش، وكان الكابتن أحمد حمدي هو حكم المباراة مظلوم وغير موفق في المباراة، ولكن عصام عبدالفتاح طلع يقول بيتكلموا على 3 ضربات جزاء مع إن هما كانوا 2 بس، أيو فين الاتنين».

وأتم عبدالحفيظ تصريحاته: «لازم تروح للمشكلة وتحاول تحلها وتعترف بها وتعالجها مش تعند فيها.. يبقى كده مش هتتحل، هل كل الأخطاء اللي شايفنها دي بتمثل 3%؟».