مدرب الأهلي يكشف سبب التعثر أمام الاتحاد

تحدث سامي قمصان، المدرب العام بالجهاز الفني في فريق الأهلي، عن أسباب التعثر في المباراة الأخيرة، بالجولة الثالثة من بطولة الدوري المصري، أمام الاتحاد بهدف لمثله.اضافة اعلان
وقال سامي قمصان عن أسباب التعثر أمام الاتحاد: «في ظروف إحنا بنعيشها واللاعيبة وضغوطات كبيرة وماتشات، مش بتحلق تعمل حتى تعمل استشفاء، كل 3 أيام مباراة».

وأضاف في تصريحات عبر قناة «الأهلي»: «لاحظ كمان كل المباريات اللي بيكون الجمهور معانا بيدي اللاعيبة مسؤولية كبيرة، ونتمنى الجمهور يرجع تاني».
وأكمل: «حتى اللاعب لو مش في قمة تركيزه الجمهور هو اللي بيزقه وبيكون عنده حافز إنه يلعب ويكسب، ده مش مبرر بس عايز أوصل للناس أوقات بيكون في سوء توفيق وجهد ذهني وبدني».

وتابع: «ماتش الاتحاد هتلاقي كمية فرص غير طبيعية وممكن اللاعيبة عندها جهد بدني، ولكن عهدنا بالجمهور إنه دائمًا ورانا، الجمهور كلمة السر وأوقات بيدخل ناس عشان تهز استقرار الفريق».