فيديو.. عبدالحفيظ يهاجم إمام عاشور

هاجم سيد عبدالحفيظ، مدير الكرة السابق بالنادي الأهلي، إمام عاشور، لاعب الفريق، على خلفية أزمته الأخيرة، والغرامة التي وقعت عليه، بعد المشادة مع محمد الشناوي.اضافة اعلان
 وقال سيد عبدالحفيظ: «الموقف نفسه أنا معجبنيش في أوله أو في الاعتذار، أنا مش من أنصار تبرير الاعتذار، أنا أسف خلاص تغني عن أي حاجة».

وأضاف عبر برنامج «الكورة مع فايق»: «لكن أدخل أي جمل ملهاش معنى، أنا من سياستي والنادي اللي اتربيت فيه مش بتقتل حد خصوصًا لو جديد، وبعرفك بالمكان اللي احنا فيه معرفة كاملة».
وأكمل: «انا مش هفرح بالغزالة الحمرا، ولا البيضا، أنا اللي هيفرحني درع، بطولات، أفريقيا، لكن الموضوع انتهى، صفحة جديدة تتفتح والكتاب ميتقفلش، كتاب الأهلي لو اتقفل خلصت وانتهت على كدة انسى».

وتابع: «لازم يفهم إن أوضة لبس الأهلي في يوم من الأيام كان فيها صالح سليم، مختار التتش، حسن حمدي، ومحمود الخطيب، لكن هنروح لحاجة مش بتعتنا أو جديدةـ الخناقات موجودة بس في ألفاظ مهمة مش بتتقال، احنا نادي بيعمل لاعيبة مش لاعيبة بتعمل نادي».