«وجوده زي السرطان».. ميدو يشن هجومًا ناريًا ضد كهربا

يرى أحمد حسام ميدو لاعب فريق كرة القدم الأول بنادي الزمالك السابق، أن ما فعلته جماهير الأهلي، قبل مباراة شباب بلوزداد في دوري أبطال أفريقيا، لا يوجد به أي خطأ على الإطلاق.اضافة اعلان
 وشنت جماهير النادي الأهلي، التي تواجدت في ملعب القاهرة الدولي، هجوما عنيفا ضد بعض اللاعبين، وإدارة النادي، وهذا في أعقاب خسارة الفريق لقب كأس التحدي، أمام باتشوكا المكسيكي، ببطولة الإنتركونتيننتال.
وكتب أحمد حسام ميدو عبر حسابه الرسمي على «إكس»: «من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة إنه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبة وده اللي عملوا فعلا جمهور الأهلي قبل الماتش ورد فعل اللاعيبة كان عظيم بالفوز الكبير وطبيعي إن الجمهور لما يلاقوا لاعيبتهم موتوا نفسهم في الملعب إنهم يحيوهم بعد الماتش علشان يقفلوا الصفحة ويوصلوا للاعيبة رسالة إن بفوزك النهاردة الكبير الصفحة اتقفلت ومش هنقبل إلا بالأداء والنتائج دي.
وتابع: «هي دي عقلية مشجع الأندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير.. كان لازم اللاعيبة تروح تحيي الجمهور ويفهموا إن جمهورهم معاهم مش ضدهم إنما إيه اللي حصل؟ مين المستفيد الأكبر إن يكون في خلاف ما بين الجمهور والمجموعة علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من أصدقائي الاهلاوية زعلوا مني قرار التوقيع معاه اكبر غلطة في تاريخ الأهلي!!».

من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبه وده اللي عملوا فعلا جمهور #الاهلي قبل الماتش ورد…

— Mido (@midoahm) December 23, 2024