يبحث النادي الأهلي عن تجديد عقد أكثر من لاعب في صفوف الفريق الأول خلال الفترة الجارية، خاصة مع قرب نهاية عقودهم.
ومن بين الأسماء التي انتشرت بشأنها التقارير مع احتمالية رحيله عن صفوف الأهلي، كان حمزة علاء، حارس الفريق الأول.
اضافة اعلان
وخرج حمزة علاء عن صمته، ووجه رسالة عبر حسابه على «إنستجرام»، معلقًا: «رسالة لجماهير النادي الأهلي الغالية،
حابب أوضح حاجة مهمة بخصوص الكلام اللي اتقال عني في الإعلام مؤخرًا، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتي الان. الكلام ده كله مش حقيقي ومفيش منه أي حاجة صح«.
وأضاف: «أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايمًا علشان أسمع وأتكلم في أي وقت يتطلب كدة».
وأكمل: «النادي ده ليه مكانة كبيرة عندي، وكل يوم بفتخر إني بلبس التيشيرت بتاعه. وبحس دايمًا بدعمكم اللي لا يقدر بثمن واللي هو الدافع الحقيقي في كل يوم ليا في نادينا العظيم».
وزاد: «ولجمهور النادي الأهلي، انتم ليكم فضل كبير جدًا جداً عليا، وإنتوا سبب كبير جداً ورئيسي في اللي وصلت له. محبتكم وسندكم عمرهم ما كانوا عاديين، وأنا شايل ليكم تقدير وحب كبير اوي جوه قلبي. وأعتقد كلكم عارفين أن انا حبي للنادي وللكيان ملوش حدود».
وأتم: «عمري ما أقدر أغلط ولا في النادي ولا في جمهوره ولا في أي مسؤول داخل النادي، وأنا مش الشخص اللي يكون ده موقفه مع النادي، فأنا أتشرف بالانتماء اليه وإلى جماهيره، كل الحب والاحترام للنادي الأهلي وجمهوره العظيم».
