فجّر الإعلامي أحمد شوبير حارس مرمى الأهلي
ومنتخب مصر السابق مفاجأة صادمة بشأن شكل بطولة الدوري في الموسم المقبل وعدد
الأندية الهابطة بعد قرار رابطة الأندية أمس بإلغاء الهبوط.
اضافة اعلان
وقال أحمد
شوبير: «تاخد مني اشتري مني زي ما قولت لك قبل شهرين إنه هيتم إلغاء الهبوط، أنا
بحب الالتزام باللوائح وهكلم كلام يوجع شوية، اتحاد الكرة من حقه يعمل اللي عايزه
في الدرجات الأدنى تحت الدوري الممتاز، فعندك دوي المحترفين اللي من 20 نادي وناجح
جدا، هيقول لك ليه معملش نفس النظام اللي حصل في الممتاز، في دوري المحترفين مش
أنت كرابطة أرضيت أندية الدوري الممتاز ليه ما اعملش كده أنا كمان».
وتابع شوبير: «فاتحاد الكرة قد يدعو الأندية في
دوري المحترفين فيقول لهم أيه اللي هيحصل يقولوا له إلغي الهبوط واعمل 3 مجموعات
طب ازاي والدوري كله 20 نادي، لا ما احنا هنعمل أوكازيون الصعود وبدل ما كنا بنصعد
1 هنصعد 2 أو 3 أو 4 ونعمل 3 مجموعات كل مجموعة 16 فريق أو 18 أي حاجة ما هو فرح
العمدة، وبعدين الدرجة الثانية والدرجة الثالثة وكده يعني».
وأضاف شوبير: «إمبارح أيمن الشريعي رئيس نادي
إنبي قال اقتراح حلو قوي، قال اخر فريقين في الدوري اعمل ما بينهم مباراة واللي
يخسر يهبط، كلام كان محترم قوي وبالتالي تضمن الدوري الموسم المقبل 20 نادي
وبالتالي الموسم المقبل هتهبط 3 مش 4».
واختتم شوبير: «أنا بقول لك من دلوقتي استحالة
الموسم المقبل يهبد 4 أندية وأخشى أن يكون الموسم المقبل الدوري من مجموعيتن كل
مجموعة 12 أو 14 أو 18 زي ما يكون بقه، تعاطفي مع الاسماعيلي واضح وتعاطفي مع
المحلة واضح لكن النظام دائما هو الأفضل عشان يكون فيه نجاح ونظام».
