رسالة قوية من شوبير بشأن موقف الأهلي عن هبوط الإسماعيلي

أكد الإعلامي أحمد شوبير أن النادي الأهلي حريص على مساندة الأندية الجماهيرية، وأعلن تضامنه خلال اجتماع رابطة الأندية مع إلغاء الهبوط تعاطفًا مع الإسماعيلي.اضافة اعلان
وقال أحمد شوبير خلال تصريحات تليفزيونية عبر قناة الأهلي: «عايز اتكلم عن حاجة مهمة جدا، العلاقة بين جماهير الإسماعيلي ونجومه وبين النادي الأهلي علاقة قوية جدا وتاريخيه وفيها تفاصيل حلوة كتير».
وتابع:«في ناس كل ما الدنيا تكون كويسة، تتدخل علشان تبوظ علاقة الأهلي بالإسماعيلي من تاني وشوية عيال صغيره تطلع صور قديمة علشان تشعلل الدنيا تاني».
وأضاف:«النادي الأهلي، هو الوحيد الذي رفض إلغاء الهبوط، وتحمس على عكس عادته، ومحمد شوقي عضو مجلس إدارة النادي على حسب كلام الكابتن ثروت سويلم قال أحنا مش متخيلين الدوري من غير الإسماعيلي».
واكمل:«الموضوع دا عمل حالة من التقارب، لكن تأكد أن الشيطان هيتدخل عشان الدنيا تشعلل، الأهلي مبيعملش مشاكل مع حد، الأهلي هو الشقيق الأكبر لكل الأندية، ومش محتاج حد يفوتله حاجة ولا محتاج حاجة من حد».
واختتم: «لما كابتن أبوجريشة تواصل مع الخطيب في قصة اللاعيبة الخطيب قاله معنديش مشكلة، في قصة عمر الساعي الأهلي مفصلش، قالهم حددوا السعر ومعنديش مشكلة، كابتن الخطيب بيعشق الدراويش».