شوبير يهاجم مصطفى شلبي

تغنى الإعلامي أحمد شوبير حارس مرمى الأهلي ومنتخب مصر السابق بالأداء الذي ظهر عليه فريق الزمالك في مباراة بتروجت أمس بالدوري المصري الممتاز.
وقال أحمد شوبير في تصريحات إذاعية: «عجبني أيمن الرمادي في مباراة بتروجت، بدأ يفرض إسلوبه على لاعبي الزمالك ولاعبو الزمالك كمان بدأوا يفرضوا إسلوبهم على المنافس وهو الخروج بالكرة من تحت ومفيش خوف ومتقلقش حتى لو انقطعت منك، وكمان منح فرصة لأيمن أمير عبدالعزيز لما لعب بدلا من حسام أشرف ويبدو أنه لاعب جيد، ولعب شيكابالا بعد غياب وسجل، وعبدالله السعيد نزل بدلا من سيف فاروق جعفر في الشوط الثاني».اضافة اعلان
 وأضاف: «اللي معجبنيش في المباراة اللي عمله مصطفى شلبي عجيب جدا، يعني أنت كسبان 3-1 والمباراة خلصت ولسه جايب هدف ثالث وتمام التمام، واعتراض بلا داعي يطرد بسببه».
وأوضح: «كان فيه فاول بلا داعي وشغلانة وحدودتة فتم طرده وهيغيب مباراة، آه مش مؤثرة لكن ليه في السي في بتاعك يبقى فيه طرد، دي كرة في نص الملعب مش محتاجة عنف ولا طرد ولا اعتراض على الحكم».
واختتم: «للاعيبة لازم تكون أذكى من كده المرة دي جايلك في مباراة مالهاش أهمية لكن فيه مباراة ثانية ممكن تكون مؤثرة».