محمد شريف: «الأهلي بيتي.. ورفضت عروض بالملايين بسببه " ​

أعرب محمد شريف، مهاجم الأهلي العائد حديثا لصفوف الفريق، عن سعادته الغامرة بالعودة من جديد إلى القلعة الحمراء، مؤكدا أن الأهلي كان دائما خياره الأول رغم العروض المغرية التي تلقاها داخل مصر وخارجها.اضافة اعلان

وقال شريف في تصريحات تليفزيونية: "مبسوط إن أنا رجعت للنادي الأهلي من تاني، ده بيتي، والأولوية دايمًا كانت له. كان كل يوم بيتقال إن أنا رايح نادي تاني، لكن أنا استنيت، والحمد لله ربنا عوضني خير."

وأضاف:"أنا كنت لاعب حر من فترة طويلة، وكان ممكن أمضي لأي نادي، لكن كان عندي إيمان بربنا إني هرجع الأهلي تاني، وده كان هدفي من البداية."

وقال شريف"جالي عروض من أندية جوه مصر وبره مصر بمبالغ كبيرة، لكن مكنش تفكيري في الفلوس على قد ما كنت بفكر في الأهلي. كان كل أملي إن الفرصة تيجي في أي لحظة، سواء النهاردة أو بكرة أو بعد شهر، وكنت مستعد أصبر."

وأشار شريف إلى أن اختياره العودة للأهلي نابع من الانتماء والرغبة في استعادة التألق بقميص الفريق، قائلًا:"العودة للأهلي مش مجرد انتقال، دي رجعة للبيت. أنا راجع عشان أقاتل وأساعد النادي في البطولات اللي جاية، وإن شاء الله أكون عند حسن ظن الجماهير والإدارة."