«ناكر الجميل».. نجم الأهلي السابق يهاجم وسام أبو علي

هاجم محمود أبوالدهب، مهاجم الأهلي السابق، اللاعب الفلسطيني وسام أبوعلى، نجم المارد الأحمر، الذي يرغب في الرحيل خلال الميركاتو الصيفي الجاري، مؤكدًا أن الأخير أنكر لفضل النادي عليه.اضافة اعلان


وقال أبوالدهب خلال ظهوره في «الكلاسيكو»: «محدش يبوس دراع النادي الأهلي، لأنه نادي كبير وخيره على الكل، ومش منطقي إن وسام أبوعلى ينسى ده».


وأضاف: «لولا الأهلي، مكنش حد يعرف مين هو وسام أبوعلى، رغم إنه لاعب مميز ومهاجم قوي، لكن الأهلي هو اللي صنع له اسم وشهرة».

وتابع: «لو ناوي يمشي، يرحل من الباب الكبير، لأنه هو اللي قدمه للجمهور، واللي عايز الناس تفضل تفتكره بخير لازم يخرج بطريقة محترمة».

وأنهى حديثه برسالة مباشرة للاعب: «لو عايز ترجع يوم من الأيام، لازم تطلع من الباب الكبير، وساعتها الأهلي مش هيقفل بابه في وشك».