رسائل نارية من حسام غالي لنجوم كرة القدم

وجه حسام غالي، عضو مجلس إدارة النادي الأهلي، رسائل نارية لنجوم الكرة السابقين، وذلك بعد التصريحات الأخيرة لمصطفى يونس، نجم الأهلي الأسبق.

كان مصطفى يونس، هاجم محمود الخطيب، رئيس مجلس إدارة النادي الأهلي، ومجلس إدارة القلعة الحمراء في الأيام الماضية، وهو ما جعل مجلس الإدارة يقرر إحالته للتحقيق.اضافة اعلان

وقال حسام غالي، في تصريحات عبر إذاعة «أون سبورت إف إم»: «في حاجات شوفتها مؤخرًا مينفعش تتقال على الهواء، مينفعش مثلا حد يطلع ينتقد زميل سابق له على الهواء أو ينتقد مدرب سابق له».

وأضاف: «الحاجات دي غريبة عننا، لو عندك مشكلة مع حد يبقى بينك وبينه مينفعش تطلع تقول الكلام ده على الهواء خاصة أن الشخص اللي بتتكلم عليه ممكن يزعل منك، وهو يكون مش حابب الكلام ده يطلع على الهواء».

وتابع: «دي حاجات غريبة عن ثقافتنا وبدأت تنتشر، أي حد عايز يتسمع وعايز يبقى تريند أو عايز يبقى ليه سعر وموجود في برامج ويعمل إعلانات فلازم يعمل تريند ويجرح في أصحابه وزملائه ومدربيه».

وأتم حسام غالي، تصريحاته قائلا: «الحاجات دي بصراحة بالنسبالي علامة استفهام كبيرة واشعر بإشمئزاز منها، لو عندي مشكلة مع حد عمري ما انتقده على الهواء هكلمه بيني وبينه انتقده، ليه على الهواء تطلع اجرح فيه! لازم نتخلص من الحاجات دي».