علق أحمد حسام ميدو
عضو لجنة التخطيط السابق في نادي الزمالك، على أزمة النادي حول أرض 6 أكتوبر،
بعدما قررت وزارة الإسكان سحب الأرض من ملكية النادي.
اضافة اعلان
وقال أحمد حسام ميدو
في منشور له عبر إكس: قبل ما أتكلم عن موضوع محاولة سحب قطعة الأرض المخصصة لنادي
الزمالك لفرع 6 أكتوبر، تأكدت من صحة معلوماتي من أكثر من جهة، الزمالك أوراقه
كلها سليمة ولسه دافع رسوم المزايا التي حصل عليه سواء بزيادة نسبة البناء أو
زيادة عدد الأدوار في المباني والزمالك لسه مستلم خطاب بمد الفترة المسموح بها
للانتهاء من المرحلة الأولى للمباني، وهي 30٪ من نسبة المباني.
وأضاف: الزمالك مستلم
الأرض دي من 2004 ما حدش حط فيها مسمار وما حدش كان عنده مشكلة أبدا، ودلوقتي لما
الزمالك ابتدى شغل وابتدى يتعاقد على 27 ملعب، وخلاص ابتدى يدخل منها فلوس وخلاص
هيقف على رجله ومش محتاج دعم من حد وده
اللي كل الزمالكاوية بيحلموا بيه بقالهم سنين، علشان نقدر ننافس وننتظم في دفع المستحقات للاعيبتنا وللموظفين في
النادي، وأخيرًا هنستقر بعتوا الناس توقف الشغل وتسحب الأرض.
واختتم: معايا كل
الأوراق والمستندات اللي بتثبت ان كل إجراءات الزمالك صح، وبناشد المسؤولين بدعم
الزمالك بالقانون وأن يضعوا أي شخص بيحارب النادي عند حده، وعندي ثقة كبيرة إن
المسؤولين هيدعموا النادي، وإنهم عارفين مدى أهمية هذا المشروع بالنسبة لاستقرار
النادي ومستقبله.
