«هيكهرب الدنيا».. رضا عبدالعال يتغزل في نجم الزمالك

علق رضا عبدالعال نجم الكرة المصرية السابق، على فوز الزمالك أمام مودرن سبورت بهدفين مقابل هدف، مشيدًا بأداء البرازيلي ألفينا نجم الفارس الأبيض.

وفاز الزمالك على مودرن سبورت بهدفين مقابل هدف خلال المباراة التي جمعت الفريقان مساء الخميس، في إطار الجولة الثالثة من بطولة الدوري المصري الممتاز.اضافة اعلان

وقال رضا عبدالعال في تصريح تليفزيوني عبر شاشة «تن»: «ألفينا هيكهرب الدنيا طوال الموسم في الدوري، لعيب الكورة يخطف قلبك من أول لمسة، لمسته هي اللي أجبرتك تقول هينسي جمهور الزمالك زيزو».

وأضاف: «ألفينا أثبت المقولة دي سجل وصنع في مباراة مودرن سبورت، لازم ياخد نجم المباراة، ومحمد صبحي اللي يستحق رجل المباراة بعده لإن أنقذ الزمالك من هدفين محققين».

وتابع: «الزمالك لازم يعدل من بعض اللاعبين وخاصة في وسط الملعب، التغييرات كلها النهاردة غير مفيدة، كلها سمك لبن تمر هندي».

وأكمل رضا عبدالعال: «كان لازم يصبر على أصحاب المراكز الهجومية أكتر من كدة وميبدلهومش في وقت مبكر، ألفينا لازم ياخد أكتر من كدة عشان يوصل للمستوى البدني المطلوب، وعدي الدباغ لازم يلعب أطول وقت ممكن لحد ميهدف».

وأتم رضا عبدالعال تصريحاته قائلًا: «الـ3 مباريات خلت الرؤية واضحة، وأنا في رأيي لازم عبدالله السعيد ميبدأش، ويكون بديل وينزل الشوط الثاني أنا مش هجامل حد، ولكن الضريبة هيكون حسابها البطئ».