وجه الإعلامي أحمد شوبير انتقادات لمسؤولي نادي الزمالك بسبب صفقة المهاجم
الفلسطيني عمر فرج الذي ضمه الفريق الأبيض في العام الماضي ولكنه لم يترك أي بصمة
مع الفريق وبعيد تماما عن المشاركة حاليًا.
اضافة اعلان
وقال أحمد شوبير
في تصريحات إذاعية اليوم الإثنين: «الفلسطيني عمر فرج بيدرب لوحده في الزمالك
لغاية ما يشوفوا له عرض للتسويق».
وعلق أحمد
شوبير: «قصة إنك تجري على لاعيب لمجرد إن ده بيكلم عليه مرفوضة، اه كلهم لاعيبة
كويسين بس ممكن ينجح في حتة وحتة لأ، فبلاش موضوع الصيت ولا الغنى يعني شوف ودقق
واختار عشان في النهاية الصفقات يكتب لها النجاح».
وتابع شوبير:
«وسام أبوعلي لما الأهلي جابه محدش كان يعرفه بس لما لعب الكل شاف إنه حاجة محترمة
وحاجة رائعة ويستاهل إنه يكون موجود في الفريق».
وأضاف شوبير:
«فبلاش تجري ورا لاعيب لمجرد صيت أو سمعة، ولا لمجرد أنك ترد على صفقة من هنا ولا
هنا في النهاية أنت والله العظيم اللي خسران».
