مدرب الزمالك السابق يفتح النار على فيريرا (فيديو)

فتح أيمن عبدالعزيز، المدرب السابق للفريق الكروي الأول بنادي الزمالك، النار على البلجيكي يانيك فيريرا، المدير الفني للفريق الأبيض بعد الهزيمة من الأهلي.اضافة اعلان

وفاز الأهلي على الزمالك بنتيجة 2-1 في المباراة التي جمعتهما، ضمن منافسات الجولة التاسعة من مسابقة الدوري الممتاز.

وقال أيمن عبدالعزيز في تصريحات خلال تصريحات تليفزيونية عبر «إم بي سي مصر 1»: «أوقات كتير بتبقى حالة المدرب سبب مهم جدا جدا في اللي بيحصل في المباراة، الراجل بالأمس من بعد الدقيقة 12 تقريبا وهو بيتفرج على المباراة زيه زينا، يعني 80 دقيقة الزمالك بلا مدرب، ومفيش أي تدخلات لتعديل الوضع».

وأضاف: «الشوط الثاني لما شوفت انهيار الفرقة، وأنت معندكش تدخلات لتعديل الوضع يبقى أنت متستاهلش تبقى مدرب نادي الزمالك. أول ما جه الزمالك كان بيتكلم ويتحرك على الماتش بعد ما كسب ماتشين تلاتة بقا بيحط ايده في جيبه وعنده حتة تكبر وعجرفه».

وتابع: «فيريرا تحس أنه مش عايش، يعني بيدفع بناصر منسي امبارح بدلا من الدباغ، وهو بقاله 4 مباريات بعيد واللي بيشارك عمرو ناصر، يعني هو حد قاله ناصر منسي كعبه عال على الأهلي فخد بالكلام ولعبه».