كشف ييس توروب مدرب فريق كرة القدم الأول بالنادي الأهلي، موقف إمام عاشور لاعب الفريق من مباراة نهائي السوبر المصري ضد الزمالك.
وتتجدد مواجهات الأهلي والزمالك على ملعب «محمد بن زايد»، ضمن نهائيات السوبر المصري للأندية الأبطال 2025، حيث يحتضن الملعب نهائي النسخة الجارية.
اضافة اعلان
ويشارك في السوبر المصري للأندية الأبطال الأهلي (بطل الدوري)، الزمالك (بطل كأس مصر)، سيراميكا كليوباترا (بطل كأس الرابطة) وبيراميدز (صاحب البطاقة الذهبية).
وقال توروب في تصريحات بالمؤتمر الصحفي الخاص باللقاء: «خدنا خطوة مهمة جدا اليومين اللي فاتوا بعد الفوز على سيراميكا والتأهل للنهائي. عارف كويس أوي ومقدر معنى المواجهة دي بالنسبة للأهلي وجماهيره وإحنا مش موجودين لمجرد المشاركة في النهائي موجودين عشان نفوز بالكأس».
وعن آخر تطورات حالة لاعبي الفريق، أوضح: «عندنا لعيبة تانية في طريقها للعودة للمباريات زي شريف وإمام عاشور. إمام قعد أربعين يوم بعيد عن المشاركة لكن إحنا متابعين حالته وعارفين إنه مستعد وبيتمرن كويس وممكن يكون مفاجأة المباراة وشريف جاهز بنسبة كاملة».
وتابع: «مستنيين بفارغ الصبر وجودنا بكرة وسط الجماهير ومساندتهم بحرارة لتحقيق الفوز. خدنا يومين كويسين في التمرين وعملنا استشفاء وعندنا فريق جاهز للمواجهة بكل قوة».
وأشار: «بنستغل كل دقيقة وكل جزء بنلعبه إننا نعمل تقييم وتدوير للأداء ونشتغل على ده، ومفيش فريق بيلعب من غير أخطاء وافتكر إننا بنتعلم من أخطائنا وبنستفيد منها».
