جمال عبدالحميد: «عرفت قيمة الأهلي.. ومش هتكلم عليه تاني»

أشاد جمال عبدالحميد، نجم الزمالك، بالنادى الأهلى ونجومه السابقين، بعد وقفتهم فى عزاء النجم الزمالكاوى الراحل محمد صبرى.

وقال جمال عبدالحميد فى تصريحات خلال برنامج «اللعيب» عبر «إم بى سى مصر 1»: «إحنا معرفناش قيمة بعض كلنا، إلا لما محمد صبرى توفاه الله. لما لقيت هذا التجمع من الأهلى والزمالك والشباب والفنانين والدنيا كلها فى العزاء والجنازة».اضافة اعلان

وأضاف: «لازم أشكر طبعا سيد عبدالحفيظ ووليد سليمان، اللى حضورا جنازة محمد صبرى، وبشكرهم على ذوقهم وبشكر كل نجوم ومسؤولى النادى الأهلى الذين حرصوا على حضور العزاء».


وتابع: «لازم نبتدى من هنا، والناس كلها تعرف إننا بنحب بعض بس فى حاجات معينة بتدخل وسطنا. بشكر ربنا سبحان وتعالى على هذا التجمع الجميل».

وأردف: «شوفت طبعا قيمة النادى الأهلى فى هذا العزاء، وبشكر كل النجوم اللى حضروا واللى لم يحضروا وقدموا واجب العزاء عبر حساباتهم الرسمية، زى ما كل الزملكاوية راحوا عزاء الراحل العامرى فاروق، لأن الأهلى والزمالك حاجة كبيرة أوى فى مصر».

وأتم: «موت محمد صبرى ألف بين القلوب، وطبعا لن أتحدث عن النادى الأهلى مرة أخرى، وخلاص موت صبرى غير فينا كلنا».