فتح محمد أبوتريكة، نجم الأهلي ومنتخب مصر السابق، النار على الهولندي، آرني سلوت، المدير الفني لفريق ليفربول، بسبب جلوس محمد صلاح على مقاعد البدلاء، للمرة الرابعة على التوالي.
اضافة اعلان
وقال محمد أبوتريكة، فى تصريحات عبر قناة «بى إن سبورتس»: «لو أزمة صلاح وسلوت أغلقت كان لعب أساسي.. لازم يبقى في تعامل مختلف مع محمد صلاح ده نجم كبير».
وأضاف: «سلوت عنده زهايمر ونكران جميل وجحود، ولو نفتكر حصل مشكلة بين صلاح وكلوب فى ماتش وست هام حصل إيه بعدها؟ صلاح لعب أساسي عادي لأن ده كلوب اسم كبير، لكن سلوت ضعيف وعاوز يقول أنا رقم واحد».
وتابع: «هاتلي لعيب في ليفربول عوضه!، مفيش، كل الخطوط مستواهم وحش وسيئ جدًا».
وواصل: «أسوأ بداية لحامل اللقب بعد ليستر سيتي ما أخد الدوري، مينفعش تخلي محمد صلاح يشيل كل حاجة، لأ ده مش صح، كل لاعب عنده طاقة».
وشدد: «الإعلام الإنجليزي محمل محمد صلاح كل حاجة، والإحساس اللى وصله إن النادي بيضغط عليه عشان يمشيه في يناير».
وأكمل: «لازم الإدارة اللى تتكلم مع صلاح مش آرني سلوت فقط لإنه عايز يكمل عقده، وبالتالي لازم تقوله إن الإحساس إللى عندك إنك هتمشي غلط».
وزاد: «النادي لازم يوصل لـ صلاح إن الإحساس ده هيزول، والمدرب هيلاعبه غصب عنه، وأنسب مركز لصلاح 9.5 فى طريقة 442».
وأتم: «محمد صلاح أحسن لعيب فى آخر 10 سنوات فى الدوري الإنجليزي، ولازم التعامل معاه يبقى مختلف، وده مش موجود عند آرني سلوت».
