فيديو. شيكابالا: "كان نفسي أشوف الزمالك مكان بيراميدز"

علق محمود عبدالرازق شيكابالا على خسارة بيراميدز لقب كأس التحدى أمام فلامنجو البرازيلى، بهدفين دون رد، خلال لقاءات كأس الإنتركونتيننتال.

وقال شيكابالا خلال تصريحات إعلامية عبر شاشة إم بى سى مصر 2: «اتفرجت على الماتش طبعا وكان نفسنا بيراميدز يلعب النهائى لأول مرة، وده ما حصلش فهارد لاك».اضافة اعلان

وتابع: «بيراميدز فريق خد بطولات فى وقت قصير وبيقدموا مستويات مميزة وهما فرقة كبيرة».
وأشار: «نفسى أشوف فرقة فى مصر معاها مدرب للضربات الثابتة، كل فرق اللى بره بتجيب مدرب لده ولحد دلوقتى ما دخلش فى مصر عندنا».

وأكد: «التفاصيل دى بتخلص ماتشات يعنى بيراميدز خسر بكورتين فالناس دى بتركز فى التفاصيل».

وفى سياق قريب، تحدث عن وضع الزمالك غير الجيد، بسبب الأعباء المالية قائلا: «هو انت فاكر لما اتفرج على بيراميدز وهم بيلعبوا النهاردة أنا مش متضايق ما أنا نفسى أشوف الزمالك هنا (فى كأس الإنتركونتيننتال)».