محمد صلاح: « أغادير أحسن معسكر عيشته في حياتي»

أشاد محمد صلاح، قائد منتخب مصر الأول لكرة القدم، ونجم ليفربول الإنجليزي، بالأجواء الموجودة في معسكر الفراعنة بالمغرب، للمشاركة في بطولة كأس أمم أفريقيا 2025.اضافة اعلان

وحقق منتخب مصر الفوز على نظيره منتخب كوت ديفوار بثلاثية مقابل هدفين فى المباراة التى جمعت المنتخبين مساء اليوم ليتأهل رسميا للدور نصف النهائي من البطولة ويضرب موعدًا مع منتخب السنغال مساء الأربعاء المقبل.

وقال محمد صلاح في تصريحات خلال المؤتمر الصحفي عقب المباراة: "المعسكر دا لازم يتصور، دا أحسن معسكر أنا عيشته في حياتي، كلنا قريبين من بعض وبنحب بعض وبنقعد مع بعض وكوميديا مفيش بعد كدة وشغل في الملعب وبرا الملعب".


وأضاف: "مفيش حد في البلد عايز يكسب اللقب دا أكتر مني، أنا كسبت كل حاجة في الكورة ما عدا اللقب دا، والضغط دا أنا شايله بقالي كتير فمجتش من كام أسبوع".