رسائل نارية من إبراهيم حسن لهؤلاء

وجه إبراهيم حسن، مدير منتخب مصر رسائل قوية بعد فوز مصر على كوت ديفوار، مساء أمس السبت، والتأهل للدور نصف النهائي في بطولة كأس أمم أفريقيا 2025.

وقال إبراهيم حسن عبر قناة "أون سبورت ": "ماتش كوت ديفوار كان مهم جدًا جدًا، وليه طعم تاني، ليه فرحته فرحة إن أنت بتغلب كوت ديفوار بطل كأس أمم آخر نسخة، وإنك بتوصل قبل نهائي".اضافة اعلان

وأضاف: "كله كان بيهول على بقوة المنتخب، طبعاً منتخب كوت ديفوار قوي جداً بس هما علوهم علينا أوي قبل الماتش، بس إحنا كنا واثقين في ربنا.. واثقين في ربنا أكيد، ما ربنا هو اللي بيكرمنا".


وتابع: "إحنا عارفين إحنا مصر، وعارفين اللاعيبة المصرية، لاعيبة مش محتاجة.. الجدعنة عندهم موجودة وساعة الشدة بتظهر، بتظهر نوعية الشعب المصري، ابن مصر اللي بيشتغل صح من قلبه، فإحنا اشتغلنا من قلبنا الحمد لله على النتيجة، وإن شاء الله اللي جاي الأحسن".

وواصل: "اللي جاي مش صعب بس اللي جاي أصعب، بس إحنا قدها، مفيش حاجة سهلة، كله صعب.. كله صعب، إنما أدام ربنا (موجود) وأنت بتشتغل بضمير وعندك كتير عايز تقدمه وعايز تعمل حاجة لبلدك وفيه إخلاص، وفيه لاعيبة عندها روح عالية".

وأتم: "فيه مدير فني، حسام حسن، بيبتكر وبيشتغل وبيعمل تكتيك على أعلى مستوى، وتوفيق ربنا نمرة واحد.. توفيق ربنا نمرة واحد بعد كده، والناس الطيبة معانا فربنا بيكرمنا في الآخر، الحمد لله".