رد طارق يحيى نجم الزمالك السابق، على اتهامه بالسمسرة، خلال عمله بنادي الشرقية وكذلك الاستيلاء على ملابس قطاع ناشئين نادي الزمالك.
وقال طارق يحيى في تصريحات عبر قناة "النهار" الرياضية: "أعوذ بالله.. نادي الشرقية لما رحت مكنش فيه نادي ولا لاعيبة ولا إمكانيات ولا أوضة لبس، فطبعا كان صعب تستمر في القصة دي، وكان اللي عاملي العقد محمد شيحة وكان معايا اللواء عبد الجليل، مدير الكرة اللي من أحسن وأفضل الرجال وهو اللي كان يتولى كل شيء، وشيحة الناحية المادية".
اضافة اعلان
أضاف: "كانوا بياخدوا رأيي في اللاعيبة بس، لكن الراجل بيقول أي كلام علشان اتسحب منه السجادة لأن الراعي (أحمد أباظة) هو اللي كان بيعمل كل حاجه، والتاني لما لقى نفسه كده قال يضرب في أي حاجه".
وحول اتهامه بالاستيلاء على ملابس قطاع الناشئين بالزمالك، رد قائلا: "أنا أول واحد لبست نادي الزمالك ملابس، عن طريق علاقاتي ومليش علاقة باللبس خالص. أنا كل اللي عملته رحت لسيد نيمار حي يرزق وعمر جابر، وقولتلهم أنا عايز فلوس أجيب لبس لقطاع الناشئين لأن نيمار كان معايا في قطاع الناشئين، وعمر جابر ابني، وهما بعتوا الفلوس على حساب عبد الله نيمار اللي هو أخو سيد نيمار مش أنا.. راح عبد الله عمل اللبس كله وجابهولي النادي ووزعته على اللاعبين، وأقسم بالله أحلى حاجه اتعملت في الزمالك".
وعن سبب الحديث عنه بهذا الشأن، علّق: "لأن في ناس أعداء النجاح.. وجالي سيف زاهر من فترة وقالي أنت ليه مش عايز تشترك في دورة زد، قولتله لا عندي لبس ولا فلوس ولا أتوبيس يجيبني، قال لو حققتلك الحاجات دي، قولتله هشترك وجابلي اللبس وسلمته للولاد ورحنا وخدنا بطولتين".
