وجه الإعلامي أحمد شوبير حارس مرمى الأهلي ومنتخب مصر السابق انتقادات لاذعة لعدد من جماهير النادي الأهلي التي قامت بالهجوم على عماد النحاس في الساعات الماضية.
اضافة اعلان
كان بعض جماهير الأهلي قد هاجموا عماد النحاس ببسبب قبوله تدريب الفريق الكروي الأول بالنادي المصري في ظل العلاقة المتوترة بين جماهير الأهلي والنادي المصري منذ أحداث بورسعيد.
وقال أحمد شوبير في تصريحات اليوم الأربعاء: "البعض غاضب جدا إن عماد النحاس تولى تدريب فريق المصري طيب هيعمل أيه ده مدرب محترف وعنده بيت وعايز يصرف عليه وجاء له عرض يعني يقعد يستنى من غير شغل ولا يعمل أيه".
وتابع شوبير: "طيب ما النادي الأهلي نفسه بيتعامل مع المصري وعامل إعارة لعمر الساعي وشاري أحمد عيد فحاجة غريبة جدا وحملات عنيفة جدا، هو انتوا هتتدخلوا في أكل عيش الناس كمان، وهتقطعوا أرزاق الناس هو فيه أيه يا جماعة مش معقول كده ، مفيش حد في إدارة النادي المصري إلا أدان ما حصل وأيام ربنا ما يعيدها وربنا يرحم ولادنا".
وأضاف شوبير: "يعني صعب قوي تطالب واحد ميشتغلش، أنت قولت له تعالى مدرب عام قال حاضر خليته مدير فني قال حاضر رجعته مدرب مساعد قال حاضر فسيبوا الناس تشتغل".
