كشف الإعلامي أحمد شوبير حارس مرمى الأهلي ومنتخب مصر السابق أن الأهلي لا يتعجل حاليا في ملف اللاعبين الجدد والمدير الفني الجديد للفريق استعدادا للموسم الجديد.
اضافة اعلان
وقال أحمد شوبير في تصريحات اليوم الأربعاء: "الأهلي ليس في عجلة من أمره هيفكر في اللاعيبة والمدرب الجديد بشكل كويس قوي قبل ما يضم أي صفقة جديدة".
وأوضح شوبير: "الثنائي الجديد حتى الآن في قطاع الكرة هما التونسي أنيس بوجلبان للجنة الإسكاوتنج والدكتور عصام سراج الدين من أجل تولي منصب مدير التعاقدات".
وحذر أحمد شوبير متابعًا: "فاكرين الحملة اللي اتعلمت على أمير توفيق في التعاقدات وربنا كرمه ومسك في شركة الكرة وبعد كده مسك منصب كبير مع نادي أهلي جدة، طيب فاكرين قبل كده الحملة اللي اتعملت مع الدكتور خالد محمود طبيب الأهلي، عشان إصابات اللاعبين، ومش عارف هو الطبيب ماله إن اللاعيب يتصاب مهمة الدكتور بيعالج والراجل كان شديد الاحترام وشديد الأدب وبرضه حملة عنيفة اتعملت على أسامة هلال بسبب كامويش ومش كامويش".
وأضاف شوبير: "طيب عصام سراج القصة هتشتغل معاه إزاي هتعمل حملات عليه برضه، الراجل ده مهمته بيقول في لاعيب هنا ولاعيب هنا وأنت بتختار، وتوروب كان فيه 4 أسماء مرشحة معاه لتدريب الأهلي، لكن إدارة الأهلي كانت بتفكر في توروب من قبل ريبيرو، وكمان وسام أبو علي في الأول كان مرفوض وبعدها الجهاز الفني اقتنع وأصبح من أهم اللاعيبة في هجوم الأهلي، فبتمنى الدنيا تهدى شوية عشان الأمرو تمشي بشكل كويس".
