شوبير يهاجم عموتة بسبب واقعة علي محمود

وجه أحمد شوبير حارس مرمى الأهلي ومنتخب مصر السابق انتقادات حادة إلى الحسين عموتة المدير الفني للفريق الكروي الأول بالنادي الأهلي بعد واقعة دفعه للاعب الفريق علي محمود عقب استبداله في مباراة الأهلي والمقاولون العرب أمس.اضافة اعلان

وتعادل الأهلي مع المقاولون العرب 1-1 ليفقد أول نقطتين في مشوار الدوري هذا الموسم.

وقال أحمد شوبير: "أنا شفت اللي حصل بين علي محمود والحسين عموتة كنت متصور في الأول إن علي محمود غضبان أو عمل حاجة أو قال كلمة عشان كده عموتة دفعه في صدره، وبقيت هتجنن إزاي تعمل كده وأنت لاعب في الأهلي إلى أن تأكدت بما لا يدع مجالا للشك أنه لم يفعل أي شيء".

وأوضح شوبير: "عرفت إن علي محمود متحول للتحقيق، طيب متحول للتحقيق ليه ؟ عمل أيه؟، هو الولد سلم على المدير الفني بإيده من بعيد وسلم على وائل جمعة كويس ووارد إن ده أغضب كابتن عموتة فقام دفعه".


وأضاف شوبير: "لأ يا كابتن حسين حتى لو زعلان منه، الكلام ده في غرفة الملابس مفيش مشاكل لكن فكرة تدفع لاعيب قدام الناس مينفعش، وبعدين عايز تحقق حقق لكن الولد معملش حاجة طالع زعلان عادي جدا، فكابتن حسين عموتة ياخد باله من الحاجات دي عشان دي ممكن تؤثر على الفريق كله".