"احنا كرهناك".. رسالة نارية من جمال عبد الحميد لـ نجم الزمالك

فتح جمال عبد الحميد، نجم الزمالك السابق، النار على البرازيلي خوان بيزيرا، جناح الفريق الأول لكرة القدم بالقلعة البيضاء، بسبب إصرار اللاعب على الرحيل عن النادي.اضافة اعلان


وقال جمال عبد الحميد، في تصريحات تلفزيونية عبر فضائية "أون سبورت": "كلنا تأثرنا بـ بيزيرا، لأنه كان لاعيب كويس وعوضنا عن رحيل زيزو.. الجمهور كله زعل من حسن شحاتة، لما قال بيزيرا بيضحك علينا وفي الأخر طلع هو اللي صح".

وأضاف: "بيزيرا لما جاله ألف جنيه زيادة مشي، حسن شحاتة، كان صح واحنا اللي غلط هو كان فاهمه أكتر مننا هو خبرة عننا".


وتاعب: "عمر ما جمهور الزمالك حب لعب أجنبي زي بيزيرا، جمهور الزمالك كان بيعشقه بس العشق اتقلب لكره جداً، لأن إنت مقدرتش حبنا ليك، تغور الفلوس قد الحب اللي احنا حبنهولك".


وتابع: "احنا مش عايزين بيزيرا تاني، احنا كرهناه ولو عايزينه يرجع عايزينه عشان نأدبه".

وأتم: "فرق العرض المقدم لـ بيزيرا من نادي شباب أهلي دبي عن رابته مع الزمالك مليون دولار، ده هيقعد في الزمالك 10 سنين هياخد قدهم 100 مرة".