نجم بيراميدز يهاجم يورتشيتش

كشف يوسف أوباما، لاعب الفريق الأول لكرة القدم بنادي بيراميدز، عن كواليس حديثه مع الكرواتي كرونوسلاف يورتشيتش، المدير الفني السابق للفريق السماوي، لمعرفة سبب عدم مشاركته مع الفريق الموسم الماضي.اضافة اعلان
وقال أوباما في تصريحاته لبرنامج «ملعب أون» المذاع على قناة «أون سبورت»: «اتكلمت مع يورتشيتش، عشان أعرف سبب عدم مشاركتي مع الفريق، في البداية أول ما روحت مكنتش بشارك أساسي، ولكني كنت بسجل لما بنزل كبديل».
وأضاف: «الموسم اللي فات رغم إني مش بلعب أساسي، وفي مباريات مش بنزل خالص إلا أنني سجلت 7 أهداف تقريبا».
 وأكمل: «اللي خلاني اتكلم معاه، إني كنت بجتهد في التمرين وبنزل بديل وبسجل وبعدها بلاقي نفس بعيد 3 و4 مباريات، فكان في علامات استفهام بالنسبالي».
وواصل: «لما اتكلمت معاه، مقالش أي حاجة مقنعة بالنسبالي، ولكني احترمت قراره وقولت لنفسي أنا في نادي كبير بيقدرني كلاعب وبيتعامل باحترام وتقدير».