رسائل نارية من حازم إمام لـ حسام حسن

وجه حازم إمام، نجم الكرة المصرية السابق، رسائل نارية إلى حسام حسن، المدير الفني لمنتخب مصر، وذلك بعد أزمته مع محمد الشناوي، حارس مرمى الأهلي.

اضافة اعلان
وقال حازم إمام، في تصريحات خلال برنامج "من القاهرة": "أنت لعيب كبير جدًا ومدرب كويس جدًا، بس عندك مشكلة، المؤتمرات الصحفية بتعملك مشكلة وبتضيع شغلك".

وأضاف: "احنا بقالنا يومين بنتكلم على تصريحات حسام حسن، قبل المعسكر الدنيا كانت مستقرة فجأة الدنيا اتكهربت بسبب التصريحات".

وواصل: "أكتر الكارهين لـ حسام حسن، مكنش يتوقع هذا السيناريو، أنت جاي ملك الملوك، أنت عندك مشكلة ولازم تعترف بيها المؤتمرات الصحفية بتعملك مشاكل كتير بتضيع شغلك"

وأكمل: "إيه لازمته في يومين تضرب في اتنين عندك مهمين بلا داعي"، مضيفًا: "حسام حسن، عنده دايمًا إحساس بعدم التقدير ومحدش بيقدر شغله، على الرغم إن الكل بيشيد بيه وبإنجازته سواء كلاعب أو مدرب، أنا معرفش ليه دايمًا عنده إحساس أنه مش متقدر، فبيقول أنا عملت، خلي الناس هي اللي تقول عملت".