أكد أحمد مرتضى منصور، عضو مجلس إدارة نادي الزمالك، عن سبب عدم دفع مستحقات نادي سبورتنج لشبونة البرتغالي، بشأن صفقة انتقال محمود عبد الرازق "شيكابالا"، لصفوف الفريق الأول لكرة القدم بالقلعة البيضاء في صيف 2015.
اضافة اعلان
كان نادي الزمالك تعاقد مع شيكابالا، في صيف 2016 قادمًا من صفوف سبورتنج لشبونة مقابل 650 ألف دولار، وسدد النادي الأبيض مبلغ 140 ألف دولار، وتبقى 510 آلاف فقط، كان يجب تسديدهم في مواعيدهم طبقا للتعاقد، وكان يتم خصم كل ذلك من مستحقات اللاعب المالية لدى النادي، ولكن لم يسدد الزمالك المستحقات للنادي البرتغالي.
وقال أحمد مرتضى منصور، في تصريحات تليفزيونية عبر فضائية "الزمالك": "في واحد قالي انتوا كنتوا بتخصموا فلوس من عقد شيكابالا، لدفعها لنادي سبورتنج لشبونة، انتوا وديتوا الفلوس فين؟ حضرتك متعرفش إن نادي الزمالك عنده دفاتر ومدير مالي، كل فلوس داخلة النادي معروف دخلت فين وكل فلوس خارجة معروف خرجت فين".
وأضاف: "اتهامنا اننا أخدنا فلوس شيكابالا، اللي خصمناها منه غير مقبول، احنا خصمنا فلوس من شيكابالا، لأن ممدوح عباس (رئيس الزمالك الأسبق) كان عامل عليه عقوبة 2 مليون جنيه لأن حدث خلاف بينه وبين حسن شحاتة (المدير الفني الأسبق للزمالك)".
وتابع: "احنا فعلا اخدنا فلوس شيكابالا ولم نرسلها لسبورتنج لشبونة وصرفناها على طارق حامد ومحمود علاء وباسم مرسي، الفلوس كانت بتبقى موجودة في الخزنة، لأننا بنعمل عمل مؤسسي هناك إدارة مالية عارفة الفلوس دخلت فين وخرجت فين، مش تقوليلي وديتوا الفلوس فين!، الحمدالله احنا فوق الشبهات"
