تعليق ناري من شوبير على واقعة الشناوي و«أوفا»

علق الإعلامى أحمد شوبير، على واقعة غضب محمد الشناوي، حارس مرمى الفريق الأول لكرة القدم بالنادي الأهلي ومنتخب مصر بعد تبديله خلال مباراة مصر وكاب فيردى، فى بطولة العين الودية.اضافة اعلان

وقال أحمد شوبير فى تصريحات إذاعية عبر «أون سبورت»: «حسام حسن من وجهة نظرى عمل حاجه غريبة فى مباراة مصر وكاب فيردى طلع محمد الشناوى فى آخر ثوانى من المباراة ونزل مصطفى شوبير، فالدنيا قامت مقعدتش وفى ناس قاعدة سانة السكاكين وناس برده نفسها يبقى فى حاجه كويسة فربنا كرم مصطفى وصد ضربتين جزاء».

أضاف: «الشناوى طالع زعلان شوية وبيقول أطلع ليه دلوقتى وكنت المفروض استنى، ولكن دى وجهة نظر الجهاز الفنى وخلاص خلصت، مضيفًا: «بعدها نزل مصطفى وتألق وبقت الناس فرحانه ولكن طبعًا كان فى بعض حالات التربص موجودة وفى خناقة اشتغلت وحسام طلع قال إنه كان أحسن واحد فى ضربات الجزاء فى التمرين والمحلل قال نفس الكلام، لكن فى ناس قالت لا ده كان عايز يدمره، طب ليه هو لعبه وخلاص».


وأتم: «الشناوى بعدها اعتذر وخلاص خلصت القصة فحطها بقى فى حجمها الطبيعى، وأنا مبسوط لـ مصطفى لأنه بيتعرض لهجوم مش طبيعى وده لأن فى ناس بينها وبين أبوه حاجات متفهمش ليه؟».

ونجح منتخب مصر في حصد المركز الثالث ببطولة العين الودية بعد الفوز على كاب فيردي بنتيجة (2-0) بركلات الترجيح.