رد عبدالظاهر السقا، مدير الكرة السابق بنادي مودرن سبورت، على تصريحات محمد رشوان، محامي اللاعب الراحل أحمد رفعت، بعدما أقحمه في تلك الأزمة.
وقال محمد رشوان: «الشخص التاني في هذا الأمر هو عبدالظاهر السقا باعتباره مدير الكرة اللي كان معاهم في الرحلة».
اضافة اعلان
وأضاف: «عبدالظاهر السقا ولو مش عايز يقوله لا كان قاله، ولو عنده خطأ كان يجب يقول الحقيقة يقوله لا يا أحمد».
ليرد إبراهيم فايق: «بس عبدالظاهر السقا مش مسؤول في الدولة هو قال اثنين مسؤولين وهو مدير كرة».
وأكمل: «أحمد رفعت لما كان بيقول اسمين كان بيتكلم على العشم لما كان بيتكلم على أحمد دياب كان يقولي أنا كنت عايزة يقف جنبي أكتر من كدة متخيل إن أول ما أوصل للقاهرة ياخدني ويجيلي ويخلص لي الموضوع».
وتابع: «أحمد رفعت بيتكلم عن مسؤول في الدولة باعتبار أحمد دياب مسؤول في الدولة، وعبدالظاهر السقا باعتباره مدير الكرة. وأحمد دياب وقت محاكمة أحمد رفعت العسكرية كان بيحاول يحل ولكن أصبحت قضية».
ودخل عبدالظاهر السقا ليرد قائلًا: «أنا مش داخل أدافع عن نفسي، وفي أمور كتير أوي داخلة في بعضها ممكن ميكونش المحامي حضرتك فاهم أوي».
كما أضاف: «أنا كمدير كرة مليش ومش شغلتي إني أجيب لاعب وأبيعه وأشتريه. موقف مدير الكرة بيكون منفذ لأوامر الإدارة ورفعت».
كما أكمل: «الباسبورد هديهوله وكلنا كجهاز ولاعيبة سلمنا عليه وربنا يوفقك، لو أنا الاسم الثاني هقف جنبه إزاي؟».
وأتم: «علاقتي أنا وأحمد رفعت كان عزيز على ومعزة خاصة وعشنا مع بعض أحداث سعيدة، إنما ده بيتكلم إزاي ده؟ في فرق بين مسؤول في النادي ومسؤول في الدولة».
