شن أحمد شوبير،
حارس مرمى الأهلي ومنتخب مصر السابق، هجوما عنيفا على جماهير نادي الزمالك ممن
خرجوا عن النص خلال مباراة الزمالك وسيراميكا كليوباترا، وهاجموا نجم الأهلي أحمد
سيد زيزو.
اضافة اعلان
وقال أحمد
شوبير، في تصريحات إذاعية، اليوم الأحد: «اسمعوا الكلام ده عشان هعمل فلاش باك من
عام 2007، وظللت ثابتا على موقفي وهفضل ثابت عليه، أنا لعبت كرة سنة 1975 في فريق
زيوت طنطا وسنة 1977 انتقلت للنادي الأهلي، وفي شغلي لا أعرف أهلي ولا زمالك وبرضي
الله عز وجل».
وتابع شوبير:
«أنا أكثر واحد اتجازيت بسبب اللي قولته، ولما طلعت الروابط الجماهيرية زي الوايت
نايتس والألتراس وبدأت سلوكيات الجماهير تتغير قولت يا جماعة خلوا بالكم إحنا
رايحين في سكة غلط الغلط، وقولت بالحرف الواحد هتفوقوا على دم وناس بتموت، وردوا
وقالوا شوية عيال ومش عارف إيه وبدأت جماهير الألتراس هنا وهنا تهتف ضدي وتقول لي
خد فين يوجعك».
وأوضح شوبير:
«لغاية ما بكل أسى فوقنا على حادث بورسعيد ورجعت الناس تقول يا ريتنا كنا سمعنا
كلام شوبير، والجمهور غاب عن المدرجات وبدأت من جديد أعمل حملات بعودة الجماهير
وبدأت المدرجات دلوقتي تبقى مزينة بالجماهير من جديد، وجاء الأمن ووضع ضوابط لعودة
الجماهير، لكن اللي بيحصل دلوقتي من جديد من الجماهير ده مؤشر مرعب».
وأضاف شوبير:
«أنا مالي لاعيب راح الأهلي راح الترسانة راح المحلة، أنت رد في الملعب رد وقول
أنا هو من غير زيزو بكسب، لاعيب مشي والقصة خلصت، وأنا مش هخاف من حد وهكلم، اللي
حصل في المدرجات يوم مباراة الزمالك وسيراميكا، يجب ألا يمر مرور الكرام اللي
بيحصل ده غلط الغلط هتقول لي غرامة 100 ألف جنيه، ده ولا بيأثر في الجماهير ولازم
إدارة النادي يبقى ليها موقف عشان السلوك العام، فيه إيه مينفعش كده».
واختتم شوبير:
«أنا عندي حل فيه كاميرات في الملعب واللي أخطأ ييجي ويتعاقب».
