أعلن علي ياسر مهاجم الفريق الأول لكرة القدم بنادي الزمالك، رحيله عن القلعة البيضاء، مؤكدًا أنه لم يكن يعلم باستغناء النادي عن خدماته.
وكتب علي ياسر عبر صفحته السرمية على موقع التواصل الاجتاعي "فيس بوك":,"(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب أقول حاجه بس، بعد ما قطعت إعارتي مع نادي مودرن سبورت (فيوتشر) لحد النهارده الصبح كنت مفكر اني متقيد في نادي الزمالك زي ما اتقال ليا بعد محاولات كتيرة من التواصل مع مسؤلين النادي قبل إغلاق القيد، لا حد سأل فيا ولا اتواصل معايا عشان أعمل أبسط حقوقي اني انزل اتمرن حتي بعد ما رحت النادي اسأل علي موقفي وإني محتاج اعرف هعمل إيه لأني قاعد في البيت بقالي شهرين وهقعد في البيت لحد شهر يناير، اتفاجئت إن النادي استغني عني قبل ما القيد يقفل بدون علمي".
وأضاف: " لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان أعرف موقفي بعد ما اتقال ليا قبل كده من مدير الكورة اني متقيد في النادي لحد دلوقتي انا قاعد في البيت بسبب تعاملي بإحترام واحتراف زي ما اتربيت و اتعلمت من وأنا صغير بس في الكورة ساعات بيجوا علي المحترم والمتربي شوية و دايمًا هيفضل عندي قناعة إن في الكورة زي ما في الحلو في الوحش وده جزء كبير من الكورة فبكل الظروف هنعدي بيه ونستحمله عشان دي الحاجه اللي الواحد بيعرف يعملها و بيحبها، والله يعلم اني محب ومشجع لنادي الزمالك منذ الصغر و اني كنت اتمني اتوج مع نادي الزمالك ب كل شئ لان ده حلمي منذ الصغر لكن بعض الناس كان لها رأي اخر"
وأتم: "الكن حابب اشكر الجمهور واللعيبة والمدربين اللي وقفوا معايا وسندوني في أول ظهور ليا مع نادي الزمالك وفضهري من وأنا صغير داخل جدران نادي الزمالك ودايمًا كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا و لنادي الزمالك وشكرا".
