فيديو.. أيمن يونس يفتح النار على إمام عاشور

وجه أيمن يونس، نجم الزمالك السابق، رسائل نارية إلى إمام عاشور، لاعب الفريق الأول لكرة القدم بالنادي الأهلي.

وقال أيمن يونس في تصريحات خلال برنامج «الهدف» المذاع على «أون تايم سبورتس 2»: «كل واحد لازم يشوف طريقه وإمام عاشور مش شايف طريقه، ومش شايف نفسه ولا شايف حقيقته، والحقيقة أنه لازم يكون لاعب ملتزم ودولي هي دي قيمته».اضافة اعلان

وأضاف: «لما أنت متشوفش نفسك وتحس بموقفك تبقى مُقصر، لأن امكانياته تساعده، ولازم يصدق نفسه إنه يبقى أحسن لاعب في مصر».



وتابع: «إمام عاشور موهبة خاصة بس الموهبة الخاصة محتاجة وعي ومحتاجة دراية، أنا كلامي ده ولما بتكلم في العموم بعيدا عن الزمالك، بقول كده عشان منتخب مصر».

وأتم: «سلوك اللاعب جزء من شخصيته، وسلوك إمام عاشور لازم يكون داخل الملعب وخارجه، لأن نجوميتك دي مش بتاعتك أنت لا تمتلك حاجات كتير أي نجوميتك، أنت بتشتغل للمنظومة لبلدك وناديك، مفيش حاجة اسمها قمص وزعل، الكلام ده في المدارس».