كشف أحمد مرتضى منصور، عضو مجلس إدارة نادي الزمالك السابق، عن واقعة مفاجئة تمرد فيها لاعبو الفريق الأول ورفضوا نزول التدريبات.
وقال أحمد مرتضى منصور عبر بودكاست على منصة «يوتيوب»: «مرة لقيت اللاعيبة ما نزلتش التدريب، قالوا لي مستنيين المستشار مرتضى منصور ييجي، فـ جه، سألوه المكافأة كام يا ريس، وكانوا عايزين مكافأة استثنائية، وقال فعلا المكافأة».
اضافة اعلان
وأضاف: «بعدها كان عندنا مباراة تانية، وكان إداهم نص المكافأة وقالهم بكرة النص التاني، وجم تاني يوم ورئيس النادي مجاش، فـ مداش موافقة على صرف النص التاني».
وأكمل: «اللاعيبة مش نازلين التدريب، منزلوش تاني يوم، دخلت أوضة اللبس، في إيه يا كباتن؟! (كان عندنا سوبر في سوبر في أفريقيا)».
وتابع: «اللاعيبة قالتلي مفيش حاجة اطلع أنت بس واحنا هننزل التدريب، فقولتلهم احنا عندنا ماتش وفي مواعيد ومدرب في الملعب، راح واحد فيهم قالي بصراحة عايزين نعرف المكافأة كام».
وزاد: «قولتلهم احنا عندنا ماتش، راح واحد قالي احنا كسبانين بطولتين وده الوقت اللي نضغط فيه، روحت أرجع للكبير فيهم يسندني، قلت له إنت عايز برضو كده، قالي آه كلنا مع بعض».
