طالب عمار ياسر لاعب نادي الزمالك، بصرف مستحقاته المالية المتاخرة، منذ الموسم الماضي، بجانب توضيح سبب عن عدم الموافقة على عروض الإعارة التي تلقها خلال الفترة الماضية.
اضافة اعلان
أكد ياسر عبر منشور على موقع «إنستجرام»" أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده".
أضاف " أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غصب عن حد، أو واخد مكان حد".
واستكمل: "من السنة اللي فاتت لحد دلوقتي بيجيلي عروض إعارة وبيع، وكلها كانت بتترفض من غير ما أعرف مين السبب. من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ولم أعترض".
