آدم محمد صبرى يكشف تفاصيل مكالمته الأخيرة مع والدة (فيديو)

كشف نجل الراحل محمد صبرى نجم الزمالك السابق، تفاصيل مكالمته الأخيرة مع والده قبل 10 دقائق من وفاته الأسبوع الماضى أثر تعرضه لحادث سير أليم بمنطقة التجمع الخامس.اضافة اعلان

وقال آدم محمد صبري في تصريحات تليفزيونية مع الإعلامي مهيب عبدالهادي: «والدى سايب رجالة، وكان بيعلق على حاجات وبيقول الصح والغلط ايه، مكنش سايبنا نتعلم من نفسنا».

وتابع: «كان دايما يخلينا نعمل خير ونعمل الصح مع الناس، مش أى حاجة يعنى، عمره ما كان بيسيبنا لوحدنا، كان حد جدع وطيب، كان بيهزر معايا ويتكلم معايا فى مشاكله وكلامه وضغوطاته، حاجة متضايق منها، كان يجى يقولى عليها كان بيتعامل معايا على أساس إنى راجل مش عيل صغير، ومكنش فى حدود كبيرة بينا».


وواصل: «مكنش بيحبنى أعمل مشاكل مع حد، يوم ما مات وفكرة روح شوف والدك دى كانت حاجة صعبة أوى كان معايا والدتى وأخواتى وكان لازم أبقا متماسك ومقوى قلبى، كان الصبح يومها الساعة اتننين ونص كان نازل يودينى التمرين فى نادى السكة، ويومها مروحتش المدرسة، وهو فى العربية متكلمناش فى حاجة قالى أنه خارج بالليل وقالى شد حيلك فى التمرين».

واختتم: «كلمنى قبل الحادثة بحوالى 10 دقائق كلنا كنا خارجين مع صحابنا، وقالى أنه تعبان وهيروح للدكتور وكان أول مرة فى حياته يقول أنه هيروح للدكتور».