انتقد خالد الغندور، نجم الزمالك السابق، أحمد سيد زيزو، لاعب الفريق الأول لكرة القدم بالنادي الأهلي، بعد تراجع أدائه مع المارد الأحمر خلال المباريات الأخيرة.
اضافة اعلان
وتلقى الأهلي هزيمة مفاجئة أمام نظيره طلائع الجيش، مساء أمس الإثنين، بهدفين مقابل هدف، في لقاء مؤجل من الجولة الـ15 من مسابقة الدوري المصري الممتاز.
وقال خالد الغندور في تصريحات إذاعية عبر «أون سبورت»: «فعلا جمهور الأهلي عنده حق في جملة (العب بقى ياعم خلي عندك دم)».
أضاف: «لما زيزو مشي من الزمالك كان نجم الفريق وقتها وأفضل لاعب في أفريقيا، وبالتالي المفروض لما ينتقل للأهلي يبقى الأهلي أفضل وأفضل».
تابع: «النهاردة الزمالك راح جاب بيزيرا ومكسر الدنيا وبيؤدي أداء أفضل من زيزو، ولما لاعيبة زي ناصر ماهر ودونجا يمشوا ومحمود جهاد مش بيلعب من أول الموسم ورغم ذلك الزمالك بيكسب ده يورينا قد أي فلوس بتتصرف في الأرض واللاعيبة شبه بعض، ومفيش فروقات كبيرة».
اختتم: «أنت النهاردة معاك أقوى جمهور في أفريقيا ومساندة إعلامة قوية جدًا طب أنت كلاعب محتاج أي أكتر من كده، وعمر مجلس إدارة الأهلي ما تأخر عليك في الفلوس، وكل شهر بيتحول على حسابك العقد بتاعك، وعلشان كده جمهور الأهلي عنده حق».
